تحدي خمسة لمية، ٣٠ يوم، نوفمبر ٢٠٢٦
حافظ مية نصيحة AI.مستعمل ولا وحدة.خلّينا نغيّرها بـ٣٠ يوم.
تحدي بالعربي للي بيشتغلوا بمكاتب: كل يوم درس قصير على Claude أو ChatGPT أو Gemini، وكل درس بيخلص بإشي بيشتغل عنك بشغلك. مش نصيحة تحفظها. إشي تستعمله بكرا الصبح.
اكبس على أي نصيحة وشغّلها
المشكلة
المشكلة مش إنك ما بتعرف. المشكلة إنك بتحفظ وما بتطبّق.
- 01بتشوف ريل«أقوى ٥ برومبتات للشغل». حلو.
- 02بتحفظهبالمحفوظات، جنب ٢٠٠ ريل غيره.
- 03بتنساهوبكرا بتكتب نفس الإيميل بإيدك، زي كل يوم.
التحدي معمول عكس هيك: ولا يوم بيخلص بنصيحة. كل يوم بيخلص بإشي بنيته بإيدك، على شغلك إنت، وبيضل معك.
مش تقني؟ أحسن.
ما بدك تصير مبرمج.
إذا بتعرف تكتب إيميل، بتعرف تعمل كل إشي بهاد التحدي. ما في كود، ولا مصطلحات بدون شرح. بنحكي بالعربي، وبنستعمل الأدوات اللي أصلاً عندك.
- بدون كود
- بالعربي، باللهجة
- ١٥ لـ٢٠ دقيقة باليوم
- على Claude و ChatGPT و Gemini
٤ مطارح بحياتك
الـ AI مش بس للشغل. بس منبلّش فيه.
اختار مكان، وشوف أمثلة على شو ممكن تسلّمه للـ AI:
- التقرير الأسبوعي من نقاط مبعثرة
- رد على سلسلة إيميلات طويلة بنبرتك
- محضر الاجتماع وقائمة المهام
- تلخيص سياسة أو عقد طويل
الطريق
٣٠ يوم. ٦ مراحل. كل ٥ أيام خطوة.
اكبس على أي مرحلة
تحكي مع الـ AI صح
تختار أداتك، تكتب طلب واضح من ٥ أجزاء، تعمل «ملفّك الشخصي» للـ AI، وتتعلّم تمسك الأجوبة المألّفة.
ملفّك الشخصي، وقالب طلب محفوظ
شو جوّا
اللي بتاخده.
- درس كل يوممسجّل، ١٥ لـ٢٠ دقيقة، باللهجة الفلسطينية. بتحضره وقت ما بدك.
- ملفات كل درسالبرومبتات والقوالب والتعليمات، جاهزة للنسخ.
- Claude و ChatGPT و Geminiكل درس بيشتغل على أكثر من أداة. إذا غيّرت شركتك الأداة، مهارتك معك.
- مجتمع خاصمكان تسأل فيه وتشارك اللي بنيته مع ناس بنفس الطريق.
- على راحتك، وللأبدفاتك يوم؟ كمّل بكرا. التسجيلات بتضل إلك.
هدايا مع التحدي
وفوقهم.
- ٥ مساعدين جاهزين بيبلّشوا بمقابلة قصيرة معك
- شرح Claude: المحادثة و Cowork و Claude Code
- ChatGPT و Gemini جنب بعض: متى تستعمل مين
- خلّي الـ AI يكتب بصوتك، بالعربي والإنجليزي
- ابني صفحة أو أداة بوكيل البرمجة
- «ورقة الأمان»: شو ما لازم يدخل الـ AI بالشغل أبداً
- «لما الشركة مسكّرة الـ AI»: شو بتقدر تستعمل، وكيف تطلب من الـ IT
إلك ولا لا؟
إلك إذا
- بتستعمل الـ AI أحياناً، وحاسس إنك بتستعمله بخمسة بالمية
- بدك ترجع ساعات من أسبوعك
- مستعد تعطي ١٥ دقيقة باليوم وتطبّق
مش إلك إذا
- بدك حدا يعمل الشغل عنك
- بدك تتفرّج بس، بدون ما تجرّب
- بدك غنى سريع
الضمان
جرّب ٧ أيام. بشرط واحد.
خلّص أول ٥ دروس وابني ملفّك الشخصي. إذا ما حسّيت بفرق، ابعتلي خلال ٧ أيام من بداية التحدي، وبرجعلك مصاريك كاملة.
الشرط مش عشان نصعّبها عليك. عشان الفرق بيبيّن بس للي بيطبّق.
أول خطوة، ببلاش
ما بدك تستنى نوفمبر.
وكيل التقرير الأسبوعي: برومبت واحد بتلصقه بـ Claude أو ChatGPT أو Gemini. بيسألك ٥ أسئلة، وبيكتبلك تقريرك الأسبوعي، وبيحفظ حاله للأسبوع الجاي.
خُد الوكيل ببلاشأسئلة
اللي بيسألوه الناس.
01إمتى بيبلّش؟
أول جولة بنوفمبر ٢٠٢٦. اللي بقائمة الانتظار بيعرفوا الموعد والتفاصيل قبل الكل.
02قديش السعر؟
بينزل لقائمة الانتظار أول. سجّل وبيوصلك قبل ما ينحكى بأي مكان.
03أنا مش تقني أبداً. بنفع؟
آه. إذا بتعرف تكتب إيميل، بتعرف تعمل هاد. ما في كود.
04أي أداة لازم يكون عندي؟
حساب على Claude أو ChatGPT أو Gemini. النسخة المجانية بتكفي لتبلّش.
05مباشر ولا مسجّل؟
مسجّل. كل يوم بينفتح درس، وبتحضره وقت ما بيناسبك، والتسجيلات بتضل إلك.
06قديش وقت باليوم؟
١٥ لـ٢٠ دقيقة. فاتك يوم؟ كمّل بكرا.
07بحتاج لابتوب؟
أغلب الدروس بتمشي عالتلفون. مرحلة يوم ٢١ لـ٢٥ أسهل على لابتوب.
08شركتي مسكّرة الـ AI، أو خايف على البيانات.
في درس كامل عن الخصوصية: شو ما بيدخل الـ AI أبداً، وكيف تشيل الأسماء والأرقام قبل ما تلصق. وهدية كاملة لما الشركة مسكّرة الـ AI.
09كيف الضمان؟
خلّص أول ٥ دروس وابني ملفّك الشخصي. إذا ما حسّيت بفرق، ابعتلي خلال ٧ أيام من البداية وبترجعلك مصاريك كاملة.
قائمة الانتظار
التحدي لسا ما فتح. قائمة الانتظار بتعرف أول.
سجّل، وأول ما تفتح الأبواب بنوفمبر ٢٠٢٦ بيوصلك الموعد والسعر والتفاصيل، قبل أي حدا.